1st RMP Forum – Risk Management | 15 Feb 2020
RMP üzvləri “Risk Management” mövzusundakı ilk RMP Forumunda bir araya gəldilər!
1-ci illik SƏTƏM konfransı ilə yaddaşlarda qalan RMP-Risk Menecment Peşəkarları birliyi TCS -in sponsorluğu ilə 15 fevral 2020-ci il tarixində Bakıda “Holiday Inn” otelində ilk “Risk Management” mövzulu forumunu keçirdi.
Sözü gedən forum 09:00-13:00 saat aralığına kimi davam etdi.
“Risk Management” mövzulu ilk forum RMP xəbərləri ilə açılış etdi. Forum ideyanı dəstəkləyən viktorina tərzi ilə qonaqların marağına səbəb oldu.
Sahələrinin peşəkarları olan RMP üzvləri bu forumda bir araya gələrək öz təcrübələrini RMP ailəsi ilə paylaşaraq yeniliklərdən xəbərdar oldular.
Məlumat üçün bildirək ki, bu Forum RMP birliyinin il ərzində keçirəcəyi 4 forumdan ilkidir.
Qeyd edək ki, RMP (Risk Menecment Peşəkarları) – Müxtəlif sahələri əhatə edən risklərin qiymətləndirilməsi və idarə edilməsində mütəxəssis olan şəxsləri bir araya toplayaraq ölkəmizdəki sağlamlıq, təhlükəsizlik və ekoloji ənənələri inkişaf etdirməyi hədəf seçən birlikdir.
Birliyin əsas məqsədi sahibkarlığın inkişafı üçün Sağlamlıq, Əməyin Təşkili və Mühafizəsi, Ətraf Mühit, Keyfiyyət, biznesin idarə olunması və digər sahələrdə risklərin idarə olunmasına dəstək olmaq üçün bu sahələrdə fəaliyyət göstərən mütəxəssisləri bir araya gətirməkdir.