İşlə əlaqəli stress nədir?

Geniş mənada stress, insanların yaşadıqları mühitin aspektlərinə göstərdiyi mənfi reaksiyadır. Hər birimiz dünyanı fərqli bir şəkildə dərk edir, şərh edir, öhdəsindən gəlir və reaksiya veririk, ancaq stress xoşagəlməz narahatlıq vəziyyətidir.

Stressi aradan qaldırmağın sağlam yolları kimi sağlam həyat tərzi, pəhriz, sosial həmrəylik, mənalı iş və s. nümunə göstərə bilərik. Bu kimi yollar sosial münasibətlərimizi genişləndirə bilər.

Bununla yanaşı qeyri-sağlam reaksiyaları – həddindən artıq spirtli içkilərin qəbulu, aqressiya, özünümüdafiə xüsusiyyətləri kimi məqamlar keyfiyyətli yuxunun azalmasına səbəb ola bilər.

Belə ki, işlə əlaqəli stress iş gedişatı nəticəsində yaranan və iş gərginliyinin yüksəlməsindən ortaya çıxan stressdir.

İşlə əlaqəli stress işçilərin nəzarətçilər və həmkarları tərəfindən kifayət qədər dəstəyin olmamasından, habelə iş proseslərindəki nəzarət sisteminin azlığı və s. kimi hallarda baş verir.

Müasir iş mühitinin tələblərinə görə iş yerindəki təzyiq qaçılmazdır.

Statistik göstəricilərə əsasən, iş yerində yaranmış stress işçilərin 83 faizinə təsir göstərir, lakin bir çox şirkətlər bunu insan sağlamlığına olan təhlükə kimi qəbul etmir.

İş şəraitində çalışan insanlar təzyiq altında olduğu zaman müxtəlif davranışlara sahib olurlar.

Bəzi insanlar özlərini təhdid altında hiss edirlər, lakin bunu dilə gətirmirlər. Digərləri çox aqressiv davranırlar və ya eyni məsələyə olduqca sakit şəkildə reaksiya verirlər.

İşlə əlaqəli stressin öhdəsindən necə gələ bilərik?

Yaxşı ünsiyyət, hörmətli münasibətlər və sağlam iş sistemləri olan iş yerləri insanlara birdən çox səbəbi ola bilən stress növlərini tanımağa və idarə etməyə kömək edə bilər. Belə iş yerləri sağlam və məhsuldar bir işçi qüvvəsi əldə etməkdə ən yaxşı nəticələr əldə etməyə meyllidir.

İş yerində insan sağlamlığının təşkilini müvəffəq şəkildə edən şirkətlər işçiləri ilə davranış metodlarını aşağıdakı şəkildə təşviq etməkdədir:

• Hər bir işçinin ləyaqətinə hörmət;
• Daimi rəy və performansın tanınması;
• Təşkilat məqsədlərinə uyğun olaraq işçilər üçün aydın məqsədlər;
• İşçilərin qərar qəbul etməsi və karyerada irəliləməsi;
• Ardıcıl və ədalətli idarəetmə tədbirləri.